香港美容黑店踢爆組

Maypig抱不平︰奵屋免費體驗【LDM®細胞美學】攪到我塊面敏感囉!! 如果唔係我識既粗口有限，我成篇文都想每句加n隻粗口落去表達我既憤怒指數!!我依家塊面勁敏感仲要係又紅又癢果隻呀 xx!!!好~由個beginning講起, 有網友email maypig話facebook見到奵屋狂賣廣告可以免費體驗【LDM®細胞美學】,心郁想試但又怕比人hardsell,  講真呀~你怕比人sell關我叉事咩(唔好怪maypig我就係甘直咖啦),  我咪頭一句話佢你怕就搵我試? 傻的嗎? 傾多幾句知原因,唔多透露比大家聽, 簡單講幾句佢send左佢張相比我, 講左自己個情況我聽,大家都係中女就膽粗粗去試下果個咩【LDM®細胞美學】! 網上登記十分簡單跳到個網站直接填表,等電話就係甘easy,  第2日就收到電話, 係一個好唔願打電話又不得不打既呀姐,  一打黎既語氣帶點茶記味道「見到你登記左試做,有咩可以幫到你呀?」(係唔係傻咖? 我答冇野幫到我好唔好,幫我咪幫我約日期時間囉!),有樣野我好buy奵屋呢個呀姐約約下時間佢同我「x小姐,其實個試做呢就冇咩幫助,你不如考慮下加$xxx加個xxxxxx(我都聽唔到佢講咩一舊舊甘),你加唔加?」(嘩!你覺得電話就sell到我, 你當我maypig流的嗎?)我直接say NO同佢講試左先, 佢都好好幫我約左下星期做。 到左約果日,上左去佢香港銅鑼灣糖街29-31號匯景商業中心1-4樓 (皇室堡側), 都方便就腳OK啦~差不多到, 去到我d粗口開始黎料, 約我係3樓, 佢黎壞lift, 你知唔知maypig唔係得個名, 我堅係肥,你叫我呢個body行3層樓, 你當我住開唐樓咖?好我忍!都黎到, 條樓梯係真係舊式唐樓既樓梯,  唔知你地有冇返過祖國, 祖國咪好興你行到果個位先比電比光你既,佢就係呢一隻!!!!即係點? 即係 行到轉角位先著燈,  maypig都叫做肥得黎above average果種美女, 真係唔怕劫財最怕劫色果隻靚法!!!如果你地都想上銅鑼灣奵屋你地問清楚個lift整好未先好去, 行你唔死都客死你!!!!  入到去都未抖返順條氣就見到兩個receptionist企係度笑笑口, 之後就有個manag...

有好多讀者Email我, 問我做咩去左邊,點解甘耐都唔出post,  原因好簡單姐, 比d美容黑店攪囉!!! 攪到連個blog都比人封埋!! 無它架!! d美容黑店最叻就係比錢封住人把口架啦!!! 我maypig同你(係話你呀 點呀!!!??) 講呀!! 唔好再email我,  當我乞衣話比3000蚊我del post!!! 我有言論自由架!!!! 我係根據讀者比料或者自己親身經歷, 分析過先post架!! 你封得我呢邊a/c,  甘其餘呢? 有睇開我打文既, 都好明顯知我比人del左邊間美容黑店既文啦!!!! 黎緊會出一篇，攪到我塊面敏感既經驗出黎!!! 各位想睇就睇啦!!!! 係甘先~~~ Maypig Blog Sport Blog:  http://maypigbeautyblacklist. blogspot.hk/ Weshare Blog:  http://www.weshare.hk/maypigUlifestyle   Blog:  http://blog.ulifestyle.com.hk/blogger/maypigchu/ Email: maypigchu@gmail.com

利申 Maypig 唔係 d 咩 BLOGGER 又唔係 d 咩 KOL, 只係一個好懶又鐘意試新野既肥妹仔 , 我係唔抵得 d 美容公司周圍呃人先開個 blog 出黎 happy sharing 姐 ,  所以果 d 不知明既美容院呀 ,  美容中心呀 ,  咩醫學美容中心唔好再 inbox 我啦 ,  我係唔會收錢幫你地寫野既 , save 返 d$ 教好 d 員工比好 d 服務我地呢 d 小市民就得啦 !! 話說我一向皮膚都 mamaday,  見 100 毛幫 reenex 谷行晒廣告又 sammie 又膠原 bb 又成 ,  咪登記下睇下呢間大公司係咪黑店囉 !  重點係咩 ,  免費呀麻唔係唔試呀 ? 我就睇下 reenex 點樣 hard sell 我 ,  叫我生膠原 bb! 今次我就醒啦除左我去 ,  我仲帶埋呀強去 ( 唔係黃子華果個呀強呀 ),  今次我就係要分享 reenex,  係咪黑店自己爬文自己分析啦 !!!! 好啦 !  我地呢就上星期尾登記左尋日上去試做既 , 我同呀強各自上網登記 ,  登記完呢大家都會即時收到個 msg 話你登記左邊間邊日幾黠甘既 ( 呢點要讚覺得幾好有效率 ) 同呀強係附近食 d 野就上去 ,  未上去之前同呀強咬左好耐我明明記得係 57 樓 ,  呀強死咬係 59 樓 , 我地再攞個 msg 出黎對 ,  原來大家係唔同樓層 ,  心諗唔緊要啦我身經百戰有冇人陪我都 ok,  呀強就最叻扮窮 ! 就係甘我就同呀強分開左 ,  上到去一開門 ,  見到個班 recep 勁有禮貌打晒招呼 ,  問下我係咪登記 ,  又問要唔要去洗手間 ,  真係欣勤到你唔信 , maypig 我都見唔小靚女 ,  佢地真係個個對眼鬼死甘靚 ,  唔知以為上左去果 d 醫學美容中心 ,  以為 reenex sell 整容 ,  問下我飲唔飲野呀 ,  我諗住速戰速決啦咪話唔使囉 ,  叫我坐坐 ,  過多...

美容院一向黑店黑sell迫買療程多多陷阱，真係小d定力都會比果d所謂既美容顧問sell死，正所謂天下烏鴉一樣黑，我地「美容黑店踢爆組」就係要睇下你地黑到咩程度!!!! 講返正題，又有讀者爆料話呢間miris spa話就話做按摩，其實就咩都有得做，按摩呀facial呀減肥呀總之就咩都有得做，叫我上去試下佢，我見第2日放假無無料料，就打比佢，佢地新客得一個電話號碼叫做新客專線，我見係手提都好既，因為我真係好憎果d美容中心比個死人公司電話人，喂!講真我打得比你時我放工你都放左工啦，我點搵你呀大公司!!!見成夜晚10幾11點幾打去博一博睇下有冇人聽約唔約到，聽電話果個叫做陳小姐話自己係新客預約中心同事,問佢新客按摩幾錢，流程係點做d咩都答得幾詳細，講到價錢就話新客按摩有香薰、熱石同埋淋巴全人手按摩3個都係同價168，本小姐心諗係泰國做香薰按摩就做得多，我就試下你果個咩能量熱石按摩有幾能量!! 上到去尖沙咀愛賓有4,5個人企晒係個櫃台好似唔使do甘，見到本小姐都識叫下早晨算係甘啦，填完表帶我入房果個員工好似叫做linda，話本小姐唔似真實年齡呀，又話我keep得好(心諗想tum我冇甘易囉留返d口水啦)，之後叫我換3等左10分鐘到按摩師就入黎，可能幫我做既按摩師係泰國人啦，真係幾細心既，會問下我凍唔凍力度岩唔岩，熱石按摩同出面有小小唔同，佢地係先做個人手開穴，再用加熱左個熱石+精油去做推按,所以唔會話好似出面甘整到甘痛，做做下個按摩師好似醫師上身甘,問我係咪左肩整傷過，又真係比佢講中左，本小姐玩開wakeboard成日都會整到，佢都好好教埋我日常護理，就算上唔到黎做按摩自己係屋企都要按下佢，呢個值得一讚! 可能個熱石按摩真係推得太舒服攪到好似唔係幾夠甘!之後做完，一般程序佢都係會sell下你問下你做成點呀有咩感覺呀，但係呢，呢一間就有d唔同，你一早表明想試左先，佢就唔會再sell落去，好好服務態度咁叫你簽個名之後就好似貴賓甘送你走 「美容黑店踢爆組」 踢爆miris spa黑店內容 *5份滿分 miris spa黑sell指數 1 (出房都會問下我試成點 叫我買野) miris spa黑店指數 0 (至少冇除晒我d 3迫我比卡) miris spa服務指數 4 (扣1分因為d花荼凍凍地唔熱) miris spa按摩指...